Venres de poucos cambios significativos no clima en Galicia
23 de abril de 2020 (21:40 h.)
As temperaturas experimentarán un lixeiro ascenso
O venres poucos cambios significativos a nivel atmosférico sobre Galicia, con presenza de aire frío en capas altas, co que aumentará a inestabilidade atmosférica.
Deste xeito, os ceos estarán parcialmente cubertos no litoral norte, con máis claros na metade sur do territorio. Cara á segunda metade do día medrarán nubes de evolución, con chuvascos localmente fortes e treboentos en comarcas do interior. As temperaturas experimentarán un lixeiro ascenso.
O vento soprará frouxo de compoñente norte.