Boris Johnson dá positivo por coronavirus
27 de marzo de 2020 (13:35 h.)
O primeiro ministro do Reino Unido foi un dos máis remisos a tomar medidas contra a pandemia
O primeiro ministro británico, Boris Johnson, deu positivo por coronavirus, informou este venres o político nun vídeo colgado na súa conta de Twitter.
"Nas últimas 24 horas, desenvolvín síntomas leves e dei positivo por coronavirus", afirmou o líder conservador na gravación.
Johnson, cuxa compañeira sentimental, Carrie Symonds, está embarazada do que será o primeiro bebé da parella, agregou que aínda que "se illou" continuará "liderando a resposta do Goberno vía vídeo conferencia" contra a pandemia. Ademais, dáse a circunstancia de que o mandatario británico foi un dos máis remisos a adoptar medidas contra o coronavirus.