Chicote denuncia a comida que dan aos pacientes no Hospital do Barbanza
08 de noviembre de 2018 (19:24 h.)
O programa '¿Te lo vas a comer?', da Sexta, denuncia a calidade da comida que ofrece o centro
O programa de Alberto Chicote na Sexta ¿Te lo vas a comer? visitou o hospital do Barbanza. A emisión do espazo este mércores pola noite desatou a polémica debido á mala calidade da comida que se ofrece aos pacientes.
O cociñeiro falou con pacientes e con familiares que tiveron que sufrir en primeira persoa que lles levasen comida que non se adaptaba á situación que atravesaba o enfermo nin respectaba as súas alerxias ou intolerancias. A empresa Aramark encárgase da xestión dos alimentos, pero Chicote non puido falar con ningún responsable.
O presentador do programa tampouco obtivo o permiso para ver as cociñas ou os almacéns do hospital.