Críticas a Vox por usar unha foto manipulada da Gran Vía chea de cadaleitos
07 de abril de 2020 (11:20 h.)
A formación ultradereitista pretendía denunciar que o Goberno oculta falecementos
Vox púxose de novo no foco da polémica por publicar nas súas redes sociais unha foto da Gran Vía de Madrid manipulada dixitalmente para mostrala chea de cadaleitos. Unha imaxe coa que quixo acusar o Goberno de querer ocultar aos españois a traxedia da crise do coronavirus.
A imaxe orixinal, sen os cadaleitos, forma parte dunha serie do fotógrafo Ignacio Pereira. O propio autor quixo unirse aos numerosos usuarios que criticaron a montaxe e esixiu a Vox que a retirase.