Falece unha xornalista antivacinas de 26 anos tras contraer a gripe porcina
A moza estadounidense tiña a gripe H1N1 e meninxite
Bre Payton, unha xornalista estadounidense de só 26 anos e detractora das vacinas que faleceu recentemente, tiña a gripe H1N1, tamén coñecida como gripe porcina que, segundo a Organización Mundial da Saúde (OMS), prevense con vacinas. O falecemento de Payton, colaboradora en medios conservadores como a canle Fox News ou One America News Network, foi confirmado pola revista na que traballou, The Federalist.
A revista citou a fontes da familia que desvelaron a causa da morte de Payton, achada inconsciente no seu apartamento de San Diego, aínda que residía habitualmente en Washington. Os achegados á xornalista explicaron que Payton tiña a gripe H1N1, tamén coñecida como gripe porcina, así como meninxite.
Dáse a circunstancia de que Payton manifestouse abertamente en contra das vacinas e a través de Twitter chegara a dicir que "son o demo".