Ferido grave un menor de idade ao recibir un disparo en Barcelona

Un menor resultou ferido de gravidade por arma de fogo na madrugada deste xoves no barrio do Raval de Barcelona, aínda que non se teme pola súa vida, segundo informaron a Efe os Mossos d'Esquadra.

Os feitos sucederon sobre as 05.00 horas nunha rúa próxima á Rambla do Raval, cando unha persoa, que aínda non foi identificada, disparou ao menor por motivos que se descoñecen e que a policía catalá está a investigar nestes momentos.

Unhas dúas horas antes, cara ás 03.00 horas, na praza Folch i Torres, tamén no barrio do Raval, produciuse unha pelexa na que participaron varias persoas, cuxo número os Mossos descoñecen, aínda que xa puideron identificar a dous delas.

Os Mossos están a investigar se ambos os feitos, que se produciron en lugares próximos e con poucas horas de diferenza, poden estar relacionados.