Un neno de 4 anos morre dun disparo nunha cacería en Sevilla

Un neno de catro anos morreu ao recibir un disparo este sábado pola mañá durante unha cacería, na finca La lapa, da localidade sevillana de Burguillos, segundo informou o Servizo de Urxencias 112. O suceso rexistrouse ás once e media, cando desde a propia finca se deu aviso ao Servizo de Urxencias.

Cando os efectivos médicos chegaron ao lugar, o menor aínda se atopaba con vida e foi trasladado ao centro de saúde máis próximo, na mesma localidade de Burguillos. Nesas instalacións, os sanitarios intentaron reanimalo durante dúas horas, pero foi imposible.

Efectivos da Garda Civil e da Policía Local de Burguillos tamén interviñeron no traslado do menor.