Un mozo 'influencer', na Uci tras caer desde 6 metros nunha sesión de fotos

Un mozo influencer de 19 anos está ingresado grave na Unidade de Coidados Intensivos (UCI) do Hospital Reina Sofía de Córdoba desde este xoves cando foi atendido de urxencia tras caer desde unha altura de 6 metros mentres participaba nunha sesión de fotos na localidade cordobesa de Montilla.

Fontes do Hospital Universitario Reina Sofía de Córdoba indicaron a Efe que o mozo, que presenta un traumatismo cranioencefálico e torácico polo golpe que sufriu ao precipitarse desde un edificio en obras, está "estable dentro da gravidade". Outras fontes sanitarias próximas consultadas por Efe indicaron que o mozo se someteu a dúas intervencións de urxencia esta madrugada pois ademais dos varios traumatismos pola caída ten hemorraxias internas en abdome e cabeza.

O suceso produciuse na tarde deste xoves cando a vítima participaba nunha sesión de fotos nun edificio en obras de Montilla e precipitouse ao baleiro desde unha altura de seis metros.

Foi trasladado directamente ao hospital da capital pola gravidade que revestían os danos, a pesar de que a localidade conta cun centro hospitalario nos arredores de Montilla.