Pamela Anderson visita a Assange en prisión: "É inxusto"

A actriz Pamela Anderson, amiga de Julian Assange, visitou o fundador de Wikileaks no cárcere londiniense no que se atopa recluído desde a súa detención o 11 de abril. "Foi moi duro. Temos que seguir loitando pola súa liberación porque é inxusto. Sacrificou tanto para dar a coñecer a verdade", alegou entre bágoas a intérprete á saída de prisión.

A exmodelo de Playboy considera que Assange non se merece estar entre reixas.  "Nunca cometeu ningunha violencia, é inocente", dixo aos xornalistas, ante os que se presentou cuberta cunha manta con mensaxes a favor da liberdade de expresión.

"Quéroo, non podo imaxinar o que tivo que pasar. Foi xenial velo, pero isto é un erro da lei", reiterou Anderson.