Parte dos evacuados en Gran Canaria volven a casa co lume en fase de estabilización
O incendio forestal de Gran Canaria, que afectou a unhas 10.000 hectáreas nun perímetro de 112 quilómetros, atópase en fase de estabilización, o que permitiu que este martes comezasen a regresar ás súas vivendas entre 3.000 e 4.000 persoas das máis de 9.000 evacuadas.
O presidente de Canarias, Ángel Víctor Torres, xunto coa ministra de Defensa, Margarita Robles, explicou en rolda de prensa que os diferentes flancos do incendio están contidos e trabállase activamente sobre os puntos máis conflitivos para evitar que se produzan reactivacións.
O que segue ardendo é o
O presidente canario aseverou que a imaxe da evolución do incendio é que "pasamos das evacuacións aos realoxos" e, do mesmo xeito que o técnico, pediu cautela porque "hai que rematar o traballo para evitar que a besta volva espertar".
Torres confiou en que este mércores se produzan novos realoxos e subliñou que se manterá o operativo, do que este martes formaron parte 16 medios aéreos, ata que o lume estea de todo controlado.
Un intenso cheiro a queimado, un manto de cinzas e a cor negra apropiáronse do cumio da illa de Gran Canaria, que comeza a respirar tras o incendio. A zona de orixe do incendio, Cova Cortiza, en Valleseco, atópase abatida e deserta, cunha capa de cinzas que se estende pola ladeira. É o epicentro das chamas que arrasaron o interior da illa en catro días e que, aínda que contidas, seguen sen declararse extinguidas.