As defensas denuncian un "xuízo político" no inicio da vista oral do 'procés'

A vulneración de dereitos fundamentais e a denuncia dun "xuízo político" centraron, nas primeiras horas do xuízo do procés, as alegacións das defensas de parte dos líderes independentistas cataláns acusados de organizar o referendo do 1-O. 

Estas son algunhas das frases que deixaron a sesión matinal do primeiro día do xuízo do procés no Tribunal Supremo: 

- Andreu Van Dean Eynde, avogado de Oriol Junqueras e Raül Romeva: 

"Imos defender valores e dereitos humanos".

"Esta causa ten que ver coa defensa do dereito á autodeterminación e o principio democrático".

"O que impide criminalizar a disidencia é a Constitución".

"O que fan os cataláns é protestar. Iso é o que facemos. Estamos politicamente excluídos de determinadas decisións".

"A causa penaliza indebidamente a protesta e o 20 de setembro era unha protesta".

"Cando che quitan os dereitos políticos exclúente da realidade (...) Ao señor Junqueras non se lle viu, quitárono da area política e esa é a realidade".

"Ata a liberdade de culto se restrinxiu porque ao señor Junqueras non lle deixaban ir á misa na prisión".

"Hai unha campaña de criminalización pública constante. Descabezouse ao independentismo, compáraselles con terroristas, nazis". 

- Xavier Melero, avogado de Joaquim Forn: 

"Este é un xuízo penal, nin máis nin menos, como o dunha estafa, como o dunha alcoholemia. Estes señores aquí presentes por ser quen foron e ostentar a posición que ostentaron, non teñen dereito a nada máis, pero tampouco a nada menos".

"Fálase deses perigosos cidadáns de Cataluña".

- Jordi Piña, avogado de Jordi Turull, Josep Rull e Jordi Sánchez: 

"Fagan de xuíces e non de salvadores da patria, porque disto non vai este procedemento".

"O meu rogo sería que a vostedes se lles presumise que son maxistrados, non heroes nacionais; e teño a sensación (...) que do que se trata aquí é de intentar facer parecer que os maxistrados deste tribunal están para defender a unidade de España".

"Creo que sería bo para este procedemento escoitar o que nos pode aclarar o rei de España (...) Non quero importunar á súa maxestade, vállame Deus, non é o meu propósito".

"Entendo a incomodidade que pode supor para este procedemento que o señor Puigdemont apareza en pantalla desde Bruxelas e non no banco".

- Manuel Marchena, presidente do tribunal do xuízo do procés: 

- "A sala vai ser, dentro do que nos é posible, xenerosa na administración dos tempos".