Ascenden a 12 o número de mortos en Mallorca
O equipo de rescate busca agora a un menor de cinco anos, único desparecido tras a catástrofe neste momento
Os efectivos de urxencias retomaron este xoves coas primeiras luces do día os labores de procura dun neno de 5 anos e dúas persoas de nacionalidade alemá desaparecidas polas inundacións sufridas o pasado martes na zona de levante de Mallorca.
Ao redor de 150 gardas civís, ademais de efectivos da Unidade Militar de Urxencias (UME), Protección Civil e outros servizos de urxencias buscan ás persoas desaparecidas ao longo da canle do torrente que se desbordou o martes, especialmente na zona de S'Illot, na súa desembocadura.
Segundo informaron fontes do Govern balear, constan oficialmente desaparecidas tres persoas: un neno de 5 anos cuxa nai, natural da veciña localidade de Manacor, faleceu na riada, e dous cidadáns alemáns.
Ata o momento dez persoas faleceron por mor das riadas ocorridas na zona oriental da illa cuxos cadáveres foron atopados nos municipios de s'Illot, Artà, Son Carrió e Sant Llorenç deas Cardassar.
Máis de duascentas persoas tiveron que ser desaloxadas das súas vivendas e dúas persoas foron hospitalizadas.
Para paliar os danos, o Consello de Ministros iniciará este xoves os trámites para a declaración de zona catastrófica e a inmediata posta en marcha das axudas económicas, segundo anunciou este mércores o presidente do Goberno, Pedro Sánchez, que se desprazou ata as localidades afectadas.