Rubalcaba, en estado grave tras sufrir un ictus
O exsecretario xeral do PSOE segue ingresado á espera da súa evolución nas próximas 72 horas
O exsecretario xeral do PSOE Alfredo Pérez Rubalcaba atópase ingresado en estado grave no hospital Puerta de Hierro de Majadahonda tras sufrir un ictus, segundo confirmaron fontes próximas ao político. O político cántabro, de 67 anos, sufriu un desmaio no seu domicilio de Majadahonda.
O histórico dirixente socialista, que foi vicepresidente do Goberno e foi ministro de Interior ou Defensa, foi atendido na súa vivenda por un equipo do SUMMA e logo trasladado sobre as 19 horas ao Hospital Puerta de Hierro de Majadahonda en estado grave.
Segundo o último parte médico, Rubalcaba permanece en estado grave á espera da súa evolución nas próximas 72 horas.
Os servizos médicos informaron de que se lle está aplicando "o protocolo diagnóstico e terapéutico habitual" para uns síntomas "compatibles cun infarto cerebral".
Desde a súa retirada da primeira liña política volvera á súa praza como docente na Universidade Complutense.