Sorprenden a Torbe mentres participaba nunha orxía con 50 persoas nun local de Madrid
A Policía Nacional desaloxou un local en Madrid onde se estaba rodando unha orxía con 50 persoas e sancionou os responsables da gravación, entre eles o actor e produtor de cine porno Ignacio Allende Fernández, coñecido como Torbe, que en 2016 xa foi detido e estivo en prisión por pornografía, trata e branqueo.
O desaloxo realizouse o
14 de outubro ás 19:30 horas no local de Puta Locura na planta quinta do número 26 da rúa San Romualdo, segundo indicaron a Efe fontes policiais.
A Policía acudiu ao local e achou a unhas cincuenta persoas congregadas para realizar prácticas sexuais multitudinarias, co obxectivo de gravar unha rodaxe de cine para adultos.
Ao decatarse da presenza policial, algúns asistentes abandonaron o lugar, que foi desaloxado.
Os tres responsables do mesmo non dispuñan de permisos para a citada gravación, en tanto que tampouco se respectaban as medidas sanitarias establecidas, polo que foron sancionados por un delito contra a saúde pública.
Un dos tres multados –todos de nacionalidade española de 51, 45 e 24 anos– é o actor de películas porno coñecido como Torbe.
En abril de 2016 o actor, que tamén é director e produtor de cine porno, foi detido por agresión sexual e de corrupción de menores por gravar e distribuír vídeos pornográficos.
Tras o seu ingreso en prisión, saíu en novembro dese ano en liberdade provisional do cárcere de Estremera (Madrid), onde permanecía encarcerado polos delitos de pornografía, trata e branqueo ao pagar unha fianza de 100.000 euros.