Máis de 40 intérpretes participarán na XI Edición do Festival Peregrinos Musicais

Máis de 40 intérpretes participarán na XI Edición do Festival Peregrinos Musicais, repartidas entre Santiago de Compostela, Valga, Abadín, Cambados, A Guarda e Lourenza. 

Segundo informa a organización, como cada ano, contará cunha "especial gala laureados" o 17 de setembro no Auditorio de Galicia. As entradas, que oscilan entre 6 e 10 euros, xa se poden adquirir na web Evenbrite. 

Nesta edición, o obxectivo da organización é achegar a música ao público. Por iso, aos tradicionais escenarios do Auditorio de Galicia ou a Igrexa de San Francisco, en Santiago de Compostela, únense outros espazos como Catedral de Santiago, o Auditorio de Valga ou os escenarios de Cambados, Abadín, A Guarda e Lourenza.

Artistas de todo o mundo, consagrados e novas promesas, interpretarán pezas de Chopin ou Falla entre outros. Aínda non se anunciou o cartel completo, pero xa se poden adquirir as primeiras entradas con descontos especiais.