O delegado do Goberno en Galicia, José Miñones, asegurou este mércores en Mos que o Plan de Recuperación, Transformación e Resiliencia do Goberno de España beneficia tamén aos peregrinos que transitan cara a Santiago de Compostela coa construción dunha pasarela sobre a A-52, a cal fará máis seguro a súa viaxe neste tramo do Camiño Portugués.
Miñones estivo este mércores supervisando persoalmente o avance destas obras, que supoñen un investimento de 240.000 euros, en compañía da alcaldesa de Mos, Nidia Arévalo; o alcalde do Porriño, Alejandro Lorenzo
Segundo Miñones, esta actuación exemplifica a posición central que teñen as persoas neste plan do Goberno, o cal está a saldar as débedas pendentes con Pontevedra, como demostra que nos Orzamentos Xerais do Estado consignáronse este exercicio máis de 196 millóns de euros só do Ministerio de Transportes para esta provincia.
A pasarela peonil para o Camiño Portugués de Santiago está no quilómetro 306 da A-52 e quere garantir a seguridade dos peregrinos e outros usuarios sobre o ramal entre a calzada sentido Ourense da autovía á N-550 que conduce a Redondela.
A pasarela mide 27 metros de longo e salva un gálibo de 5,50 m; ten unha anchura útil de tres metros e unha pendente lonxitudinal do 3,5 por cento.
