Eladio y los Seres Queridos, Kokoshca e Oh! Ayatollah, no Ribeiro Son de Viño
O festival celebrarase o próximo 13 de xullo no Náutico de San Vicente do Mar, no Grove
Eladio y los Seres Queridos, Kokoshca, R.E.A.L., Lois, Santi Araújo e Oh! Ayatollah protagonizarán o Ribeiro Son de Viño 2019, que se celebrará o próximo 13 de xullo no Náutico de San Vicente do Mar, no Grove.
O festival, que naceu para unir viños da denominación de orixe Ribeiro coa música feita en Galicia, presentou este mércores en Ourense a súa sexta edición.
No acto participou o presidente da C.R.D.O. Ribeiro, Juan Casares; a organizadora do festival, Cristina V Mirada; e o vicepresidente da Deputación, Rosendo Fernández, entre outros.
Neste escenario, a organización informou de que 2019 é o ano da expansión da marca Ribeiro Son de Viño coa creación de dous novos eventos na Coruña e Nigrán.
Así, o primeiro deles terá lugar o día 28 de xullo no Pazo de Cea, en Nigrán mentres que o segundo será o 24 de agosto na Fundación Seoane da Coruña e contará coa participación de Ortiga, Auto Sacramental e Pardo, entre outros artistas.