'Hierro', dos irmáns Coira, finalista nos premios de televisión de Venecia

A serie Hierro, da produtora galega Portocabo, foi seleccionada como finalista á mellor serie na terceira de edición dos premios do festival de televisión de Venecia, que distingue ás mellores producións televisivas de todo o mundo. Coproducida con Movistar +, ARTE France e Atlantique Productions, é a única ficción de fala hispana seleccionada por estes premios, que gañou The New Pope

,

segundo informa Portocabo, con sede na Coruña.

Nun comunicado, a produtora galega detalla que a segunda tempada de Hierro, dirixida de novo polo lucense Jorge Coira e protagonizada por Candela Peña, Darío Grandinetti e Matías Varela, verá a luz en 2021. 

A serie de Portocabo cultivou este ano ademais os Premios Ondas (serie e actriz protagonista, Candela Pena), Premios Iris (guión), Premios Feroz (drama e actriz protagonista), Premios MiM Series (actriz de drama) ou os Premios Mestre Mateo (serie de TV, dirección de produción, guión e música orixinal) entre unha lista de 18 galardóns. 

Creada por Pepe Coira e dirixida por Jorge Coira, con Alfonso Blanco de Portocabo como produtor executivo, a serie finalizou este verán a rodaxe da súa segunda tempada, que chegará a Movistar+ en 2021 e constará de 6 episodios de 50 minutos de duración.