Nova data para o concerto de Joaquín Sabina na Coruña: 21 de xuño
25 de abril de 2018 (20:23 h.)
O de Úbeda cancelou o recital do pasado sábado por problemas de saúde
Xa hai nova data para o concerto de Joaquín Sabina na Coruña que tivo que ser cancelado o pasado sábado por problemas de saúde do de Úbeda. Será o próximo 21 de xuño no Colisseum.
Sabina tivo que ser ingresado o pasado sábado "por un problema circulatorio" e viuse obrigado a pospor o seu recital na cidade herculina, para o que se venderon 6.500 localidades.
As entradas adquiridas para o concerto do 21 de abril serán válidas para esta nova data. Os que non poidan asistir ao concerto ese día poderán devolver os tíckets e recuperar o seu diñeiro.