Los Planetas, cabeza de cartel do FIV 2019
22 de marzo de 2019 (13:56 h.)
Súmanse ao cartel desta edición La Sonrisa de Julia, Sidonie DJs e a Banda de Música de Vilalba
Los Planetas serán cabeza de cartel no FIV de Vilalba, que suma doce edicións. No acto de presentación do evento, que se celebrará os días 26 e 27 de abril, tamén se anunciaron as actuacións de La Sonrisa de Julia, Sidonie DJs e a Banda de Música de Vilalba, que participa no festival fucsia desde 2016.
Estas catro confirmacións súmanse aos nomes de Iván Ferreiro, Dorian, La M.O.D.A., Miss Caffeina, Depedro, Siloé, Marem Ladson e Cheese & Bacon DJs.
Proximamente anunciarase o cartel completo e as entradas por días. Os abonos xa están esgotados.