Rosalía lanza nova canción e videoclip: 'Pienso en tu mirá'
A cantaora compartiu nas redes un pequeno avance do seu single
A cantaora catalá Rosalía (Barcelona, 1993) anunciou este luns o lanzamento do seu novo single, Pienso en tu mirá, acompañado de videoclip.
A artista compartiu nas redes sociais un pequeno avance da súa última creación, que se poderá atopar en todas as plataformas de streaming a partir das 23.59 horas deste luns.
"Hoxe, ás 23.59 horas, nova canción en todas as plataformas e novo videoclip en Youtube. Non podo esperar máis. ¡Que ilusión!", publicou a cantaora en Instagram.
LONGAS COLAS PARA O SEU CONCERTO EN SANTIAGO. A presenza de Rosalía e Rubén Blades na programación das festas do Apóstolo en Santiago xerou moita expectación entre os composteláns, que este fin de semana esperaban ansiosos que empezase a repartición das entradas para os concertos gratuítos.
Colas ante o Teatro Principal este luns para coller entradas. EP
Tal foi o aluvión de xente que se apiñou ás portas do Teatro Principal para coller boletos, que as longas colas xa eran visibles horas antes de que abrisen o despacho de billetes e incluso se produciron episodios de tensión ao quedar sen entrada moitos dos interesados.
A pesar de que a organización decidiu ampliar o horario de distribución de billetes para os espectáculos do Apóstolo, as longas ringleras volveron verse este luns.