"A diferenza de diñeiro nos premios débese ao número de equipos inscritos"
Polémica en Bueu por un torneo no que os premios eran diferentes para a categoría masculina e feminina ► O Colectivo Feminista Pontevedra criticou a situación
Os torneos de fútbol 7 tras acabar a tempada son unha tradición. A Cultural Deportiva Beluso, de Bueu, celebra este 21, 22 e 23 de xuño o seu novena edición. Unha competición que ata a data desenvolveuse sen problemas pero que nos últimos días saltou ao centro da polémica.
O motivo: a diferenza económica entre os premios para a categoría masculina (500€ para o primeiro clasificado) e feminina (250€ para as campioas do torneo).
O presidente da asociación Antonio Castro, 'Toñín', explicou en declaracións a este medio que esta situación se debe unicamente "á cantidade de equipos inscritos" dunha categoría e outra. Engade que se lle está dando demasiado bombo ao asunto".
Desde o Colectivo Feminista Pontevedra criticaron no seu Facebook que se es un equipo formado por HOMES e quedas non primeiro posto, gañas 500 euros. Ser un equipo de MULLERES, e quedades de primeiras gañades 250 euros. Ou sexa, ser muller mereces a metade do que lle dan a un home por facer exactamente ou mesmo. Para inscribirte ser home pagas 150 euros; ser muller, 120 euros (Nada proporcional dado que sendo muller gañarías a metade, e sendo coherentes a inscrición feminina tería que ser en todo caso a metade tamén)".