A evolución de Lendoiro é lenta pero favorable
O deportivismo mantense en albas pola saúde do seu expresidente, operado de urxencia o venres
O expresidente do RC Deportivo Augusto César Lendoiro experimenta unha evolución lenta pero favorable tras ser intervido dunha afección cardíaca o pasado venres e continúa ingresado na Unidade de Coidados Intensivos (Uci) do Complexo Universitario da Coruña (Chuac).
Segundo o parte médico deste domingo, Lendoiro "pasou ben a noite, a súa evolución é lenta pero favorable e aínda se atopa dentro dese período de tempo que fai que a situación sexa crítica", confirmaron a Efe fontes próximas á súa familia.
O exdirixente do conxunto galego, que ten 72 anos, ingresou o xoves no hospital coruñés por unha pneumonía e inicialmente respondeu ben ao tratamento, pero a súa situación empeorou o venres pola tarde produto dunha afección nunha válvula do seu corazón que lle obrigou a ser sometido a unha intervención cirúrxica de urxencia.
O resultado da operación, que durou algo menos de tres horas, foi satisfactorio, pero o seu estado segue sendo grave.