Iago Aspas dá o salto ao mundo empresarial
06 de febrero de 2019 (20:41 h.)
O dianteiro do Celta crea Moaña Investimentos Sociedade Limitada, dedicada ao sector inmobiliario
O dianteiro do Celta Iago Aspas lanzouse ao mundo empresarial coa creación de Moaña Investimentos Sociedade Limitada, un negocio con sede na súa Moaña natal e dedicado ao sector inmobiliario.
A sociedade foi constituída o pasado 23 de xaneiro con Aspas como único socio e cun capital inicial de 850.000 euros segundo indica Economía Dixital. Como administradora do negocio, centrado na compravenda e aluguer de activos inmobiliarios, figura a muller do futbolista, Jennifer Rueda.