A tempada de caza iníciase este domingo marcada pola alarma sanitaria
Este domingo arrinca de xeito oficial a tempada de caza en Galicia e conclúe o 6 de xaneiro de 2021. Con todo, o calendario presenta singularidades en función das especies (consultar táboa abaixo).
Con carácter xeral, a caza maior abriuse xa o pasado mes de agosto, pero é agora cando se inicia a menor e están en marcha as dúas modalidades de xeito simultáneo. Serán días hábiles para a caza os xoves, domingos e festivos de carácter estatal e autonómico. No caso da caza maior, contémplanse tamén os sábados para gran parte das actividades.
A tempada actual chega marcada pola pandemia e as restricións sanitarias que impón o control do covid-19. O Ministerio de Sanidade publicou hai unhas semanas un documento coas recomendacións para este ámbito. As medidas máis destacadas están relacionadas co uso obrigatorio da máscara durante a xornada de caza e especialmente nas actividades que se concorra con outras persoas.
Ademais, non se compartirán utensilios de caza, nin utillaje de comida ou bebida. Tamén se deben limpar e desinfectar os utensilios de caza utilizados e o propio vestiario e calzado.
As limitacións de mobilidade tamén lle afectan á actividade dentro do marco xeral desas restricións. Por exemplo, se un cazador reside nunha zona con desprazamentos limitados e o seu coto está fóra desa área non poderá acudir ao mesmo.
Nas últimas semanas, e coa tempada para algunhas especies xa aberta, os cazadores e amantes deste deporte xa puxeron en práctica a normativa anticovid e, con carácter xeral, non se rexistraron incidencias.