"Se hai que pagar en man, pagarase"
25 de marzo de 2015 (13:55 h.)
Tino Saqués asegura que facerse coas accións dunha tacada non entraba nos seus plans pero a pesar diso seguirá adiante
Tino Saqués saíu este martes ao paso da información publicada por este xornal sobre a obrigación de sufragar en man e nun só pago os 1.600.500 euros que custará adquirir as 150.000 accións propiedade do Concello e a Deputación de Lugo, no caso de que lle sexan adxudicadas finalmente. En declaracións a Radio Lugo, o empresario lucense afirmou que "se hai que pagar en man así o teremos que facer".
"Acábome de decatar de que hai ese comunicado da Deputación. Entendemos que se tal e como están as bases hai que pagar en man, así o teremos que facer", afirmou Saqués na emisora lucense.