BBVA Asset Management rexistrou un crecemento do patrimonio investido en fondos de investimento en Galicia de case un 3% en 2023, ata xestionar máis de 2.000 millóns de euros de máis de 65.000 partícipes.
Nun comunicado, BBVA explicou este martes que o peso do capital acumulado en Galicia neste tipo de produtos representa o 4,42% do patrimonio xestionado en total por BBVA AM, que rolda os 50.000 millóns tras experimentar un crecemento do 14%. A institución financeira atribúe este repunte á evolución favorable da rendibilidade dos fondos e ás "importantes achegas" netas realizadas o ano pasado polos investidores.
Tomando os datos da patronal Inverco referidos a 2022, o peso do patrimonio da media da industria de Galicia sobre o total de España é do 3,6%, unha cota que BBVA AM logrou superar.
O 56% do investimento xestionado na comunidade polo banco está depositada en strong <>fondos mixtos que combinan instrumentos de débeda con accións. Outro 33% está en exclusiva en strong<> fondos de renda fixa e un 10%, nos de strong <>renda variable.
"Temos como misión axudar a todas as persoas a canalizar os seus aforros de maneira que poidan cumprir os seus obxectivos de vida", sinala a responsable de BBVA AM para Europa, Belén Blanco, que indica que este ano o escenario central "é favorable" tanto para a renda fixa como para a variable.
