O comité de Alcoa reúnese este luns coa Xunta para "buscar unha saída para a fábrica"
Os traballadores confían en que o Goberno "saque adiante a semana que vén o Estatuto de empresas electrointensivas" para "facer a fábrica máis atrayente"
O presidente do comité de empresa da factoría de Alcoa na Coruña, Juan Carlos López Corbacho, anunciou que este luns, día 25 de febreiro, os representantes dos traballadores da compañía reuniranse ás 10.00 horas co conselleiro de Economía, Francisco Conde, para "buscar unha saída á fábrica" e "manter os postos de traballo".
Tal como explicou López Corbacho, esta reunión é "a continuación" da mesa técnica estatal para buscar un novo investidor que se faga cargo da fábrica de Alcoa na Coruña.
Así, asegurou que espera que esta non "sexa a única reunión antes do encontro co Ministerio", que levará a cabo o 12 de marzo, onde se trasladará o traballo que se realice nestes encontros".
Ademais, os traballadores de Alcoa mostraron a súa esperanza sobre que o Goberno "saque adiante a semana que vén o Estatuto de empresas electrointensivas" para así "facer a fábrica máis atrayente para un novo investidor".