viernes. 03.12.2021 |
El tiempo
viernes. 03.12.2021
El tiempo

O IPC segue en negativo e cae no mes de outubro un 0,7% polos carburantes

Un conductor reposta en una gasolinera
Un conductor reposta en una gasolinera
En cambio, a variación mensual si foi positiva e situouse no 0,6%, logo de tres meses seguidos de descensos

O índice de prezos de consumo (IPC) situouse, por terceiro mes consecutivo, en taxa anual negativa e caeu en outubro o 0,7% (fronte ao -0,9% de setembro), debido principalmente a unha menor baixada dos carburantes e lubricantes, segundo informa o Instituto Nacional de Estadística (Ine).

Tamén influíu no descenso inferior do IPC o grupo de comunicacións, debido a que os prezos dos servizos telefónicos diminuíron en outubro do pasado ano máis que este mes.

En cambio, a variación mensual do IPC si foi positiva e situouse no 0,6%, logo de tres meses seguidos de caídas.

Os grupos con maior repercusión positiva foron vestido e calzado, cunha taxa do 11,1% polos prezos na nova tempada de inverno; e alimentos e bebidas non alcohólicas, que rexistrou unha variación do 0,6%, polo aumento dos prezos das froitas frescas, os legumes e hortalizas frescas e os aceites.

A inflación subxacente (índice xeral sen alimentos non elaborados nin produtos enerxéticos) aumentou unha décima, ata o 0,9%.

A taxa anual do IPC aumentou en todas as comunidades, excepto en Asturias, onde se mantivo a súa taxa negativa do 0,9%.

As maiores subidas, cun incremento de tres décimas, rexistráronse en Castela-A Mancha (taxa negativa do 1,2%), Comunidade Valenciana (-0,5%), Estremadura (-1,2%) e Murcia (-0,7%).

Os menores aumentos na taxa anual, unha décima, producíronse en Galicia (-1,0%), Andalucía (-0,8%), Madrid (-0,8%) e País Vasco (-0,4%).

En outubro, o índice de prezos de consumo harmonizado (IPCA) tivo unha variación anual negativa do 0,9%, dúas décimas por enriba da rexistrada o mes anterior, mentres que a taxa mensual foi positiva, 0,3%.

O IPC segue en negativo e cae no mes de outubro un 0,7% polos...
comentarios