Ence entrará a formar parte do Ibex 5 o próximo 24 de decembro, segundo decidiu este luns o comité asesor deste índice.
A pasteira substituirá á cadea de supermercados Día no principal selectivo da Bolsa española. A compañía de distribución abandonará o Ibex 35, como vaticinaban os analistas nos últimos días, tras meses de gran volatilidade que lle fixeron perder o 87,2% do seu valor e cunha capitalización que roza os 318 millóns.
Ao longo de 2018 Enxce, que xunto á operadora MásMóvil e Logista era unha das favoritas para entrar no selectivo, apenas variou a súa cotización e a súa valoración en bolsa supera os 1.300 millóns de euros.
Ignacio Colmenares, Ceo de Ence, afirmou que "contar cun posto entre as 35 empresas con maior volume de negociación en bolsa do país supón un importante paso para Ence de cara á nova etapa estratéxica que afronta a compañía, así como o recoñecemento á exitosa execución do Plan Estratéxico 2016-2020 que logramos finalizar cun ano de antelación sobre os prazos que nos marcamos".
Ignacio Colmenares, Ceo da empresa: Contar cun posto entre as 35 empresas con maior volume de negociación en bolsa do país supón un importante paso para Ence de cara á nova etapa estratéxica
INVERSIÓN. A compañía completou de xeito anticipado este exercicio os obxectivos que se propuxo no seu Plan Estratéxico 2016-2020, polo que acaba de presentar un novo Plan que guiará a estratexia da firma no período 2019-2023. O novo plan estratéxico, presentado o pasado mes de novembro, contempla un investimento de máis de 1.100 millóns de euros para aumentar e diversificar os seus negocios de celulosa e enerxía renovable.
Miguel Tapia, presidente do comité asesor técnico do Ibex 35: é como estar na Champions, se non, non apareces
BOLSA. Aínda que o comité asesor técnico do Ibex analiza a liquidez dos valores para decidir a entrada e saída no indicador, tamén pode optar por sacar a unha compañía se a súa capitalización media é inferior ao 0,3% de todo o Ibex 35 durante o período de control. Neste caso, o período analizado será desde o 1 de xuño ata o 30 de novembro.
En palabras do presidente do comité asesor técnico do Ibex 35, Mikel Tapia, estar no índice "é como estar na Champions, se non, non apareces". A próxima reunión de seguimento será o 7 de marzo de 2019.
