lunes. 26.10.2020 |
El tiempo
lunes. 26.10.2020
El tiempo

Gadisa reivindica o local como vía de crecemento empresarial ao recoller un premio

Tojeiro, Feijóo, Calviño e o presidente do Consello Galego de Economistas, este venres na Coruña. EP
Tojeiro, Feijóo, Calviño e o presidente do Consello Galego de Economistas, este venres na Coruña. EP
O seu presidente defende iguais "regras de xogo" para competir ao recibir o galardón do Consello Galego de Economistas

O presidente de Gadisa, Roberto Tojeiro Rodríguez, reivindicou este venres a aposta polo "local" como modelo de crecemento empresarial sostible. Foi ao recoller na Coruña o premio que lle concedeu ao grupo o Consello Galego de Economistas pola súa contribución ao desenvolvemento da comunidade nos seus 80 anos de andaina. 

Na súa intervención, puxo de relevo que esa filosofía de ser cento por cento local permitiulles investir no futuro da súa terra. "Só uns poucos investimos en que o resultado das caixas galegas fose un banco con sede e estrutura en Galicia, [...], en que a comunidade tivese un desenvolvemento de fibra óptica e unhas infraestruturas en telecomunicacións á altura dos desafíos do século XXI", afirmou, ao que engadiu a contribución para ter "unhas infraestruturas que achegan independencia e competitividade enerxética". Sinalou que ese compromiso implica "renunciar a tentacións e ofertas e continuar pagando impostos en Galicia".

Tojeiro fixo fincapé na máxima do grupo de crear "benestar alí onde estamos" e referiuse a outro trazo do seu ADN: "Empezamos sendo unha empresa familiar e seguimos sendo unha empresa de familias comprometidas co futuro da súa terra". Nese camiño, defendeu "as mesmas regras de xogo" para todos, en alusión directa a zonas de España ou de Europa que poidan gozar ás veces de vantaxes inxustificadas. 

O acto de entrega do premio contou coa presenza da vicepresidenta do Goberno Nadia Calviño e do titular da Xunta, Alberto Núñez Feijóo, quen destacou a contribución de Gadisa ao emprego cos seus 8.400 postos de traballo. Máis aló do ámbito da distribución, a través de Gadis, está presente na industria forestal, a enerxía ou a loxística.

Gadisa reivindica o local como vía de crecemento empresarial ao...
comentarios