Ningunha das seis cámaras de comercio terá que celebrar eleccións para elixir vogais

Ningunha das seis cámaras de comercio galegas terán que celebrar eleccións para elixir aos vogais que formarán parte dos seus plenos, que se constituirán a mediados de mes.

Diso informou a Europa Press a Consellería de Economía e Industria, que avanza que "non será necesario" celebrar as eleccións previstas para este martes (de vogais de elección directa) nas cámaras ao renunciar aspirantes naqueles casos nos que había máis candidaturas das vocalías existentes. 

Con base nos datos do Consello Galego de Cámaras, durante o prazo de presentación de candidaturas as cámaras de comercio de Ourense, A Coruña e Lugo rexistraron menos candidatos que postos de vocalías, polo que está previsto proceder a sorteo para poder completar os postos. En Santiago, existe o mesmo número de candidatos que de vogais. 

Por iso, tan só na fusionada cámara de Pontevedra, Vigo e Vilagarcía, así como na Tui houbo máis candidatos que postos e a situación resolveuse debido á renuncia de concorrente. 

Pola súa banda, segundo o estipulado na resolución da Dirección Xeral de Comercio e Consumo publicada no Diario Oficial de Galicia (DOG), o 28 de maio elixirase aos vocais representantes de empresas e persoas de prestixio na vida económica dentro da circunscrición cameral. 

Os plenos das cámaras de comercio galegas están compostas por entre 10 e 60 vogais. Están formados por tres tipos de vogais: os membros de empresas elixidos por sufraxio, as empresas que realizan as maiores achegas voluntarias á entidade e as empresas propostas polas confederacións de empresarios e fan achegas voluntarias. O seu mandato dura catro anos.