O desemprego descendeu en Galicia, en marzo con respecto ao mes anterior, nun total de 2.868 persoas (-1,65%), de maneira que o cómputo de parados pasa a ser de 170.841.
Mentres, no último ano na comunidade son 14.262 as persoas que abandonaron as listas do paro, un -7,70%, segundo os datos de afiliación e paro referentes ao mencionado período que publicou este martes o Ministerio de Traballo, Migracións e Seguridade Social.
No conxunto de España, o número de parados rexistrados igualmente nas oficinas do Servizo Público de Emprego Estatal (Sepe) reduciuse en marzo en 33.956 persoas respecto ao mes anterior, ata os 3.255.084 desempregados, de forma que marcou o menor recorte nun terceiro mes do ano desde 2014.
Así mesmo, no último ano o paro baixou en 167.467 persoas (cun ritmo de redución interanual do 4,89 %), o que tamén supuxo a menor redución desde 2011.
Por sectores de procedencia, o desemprego reduciuse no país nos servizos (32.401 persoas), a construción (4.555) e a industria (4.000), pero se incrementou na agricultura (1.722) e entre o colectivo que non traballou con anterioridade (5.278).
