A produción de coellos en España esborrallarase ata un 40% debido á onda de calor que sofre o país con temperaturas por encima dos 40 graos centígrados da última semana, segundo informaron as organizacións agrarias COAG, Asaja e UPA e a Confederación Nacional de Asociacións de Cunicultores (Conacun) e Cuniber.
En concreto, o sector explicou que os efectos da calor sufríronse na case totalidade das zonas produtoras de coello de España, nas que cobra importancia a comarca do Deza, polo que se vai a producir unha brusca diminución da produción cunícola, desde agora ata final de ano.
A industria cunícola adiantou que todos os ciclos produtivos veranse afectados polas altas temperaturas, polo que estiman que a diminución da produción pode alcanzar o 40%.
As organizacións agrarias denunciaron que esta situación agrava a xa "precaria situación" económica das explotacións de coellos en España, que acumulan grandes perdas de anos anteriores.