O xuíz Llarena deixa en liberdade sen fianza a Artur Mas
Vox pedía unha fianza de 60.000 euros
O xuíz do Tribunal Supremo Pablo Llarena, que investiga a causa polo procés cara á Declaración Unilateral de Independencia (DUI), deixou este martes en liberdade sen medidas cautelares ao expresidente da Generalitat Artur Mas, tras comparecer máis de tres horas.
A acusación popular de Vox pedira previamente a Llarena a liberdade provisional baixo fianza mínima de 60.000 euros, comparecencias ante o xulgado cada 15 días e a retirada do pasaporte.
No entanto, na vistiña, o xuíz acordou non impor ningunha media cautelar, aínda que se preguntou ao expresidente se estaba disposto a comparecer ante o xulgado en caso de ser requirido, ao que Mas respondeu que si.
Mas foi incluído entre os investigados por Llarena polos cargos que exerceu como presidente do partido e porque formaba parte do comité estratéxico do proceso soberanista catalán deseñado no documento Enfocats. Este plan de ruta foi incautado no domicilio de Josép María Llové, man dereita do exvicepresidente da Generalitat en prisión preventiva Oriol Junqueras.