Un estudo feito pola DXT en colaboración con Race e Anfabra afirma que o 21% dos condutores de Galicia consomen alcol antes de coller o coche. Estes datos sitúan a comunidade por baixo da media nacional, que é dun 25%, máis no caso dos homes (31%) que no das mulleres (18%).
Segundo a DXT, entre o 30% e o 50% dos accidentes mortais están relacionados co consumo de alcol e de estupefacientes.
Ademais, segundo este estudo, o 77% dos condutores galegos non fan as paradas recomendadas en viaxes de longo percorrido, e o 9% recoñece non parar en ningún momento.
En canto á saída cara a destinos vacacionais, os galegos prefiren saír pola mañá (67%), mentres que só o 6% realiza a súa viaxe durante a noite.
A DXT recorda a importancia de realizar paradas cada 2 horas, non consumir alcol antes de conducir e extremar as precaucións en vías secundarias e percorridos curtos, así como durante a noite.
