Unha muller duns 60 anos foi atopada morta na tarde deste venres na zona do paseo da Portela, en Redondela, na desembocadura do río Alvedosa. Atendendo á información da TVG, a Policía está a investigar o sucedido, aínda que o corpo, que estaba flotando na auga, non presentaba sinais de violencia.
Un particular alertou ao 112, tras o que se mobilizaron os servizos de urxencias e intentouse reanimar a muller sen éxito. Ao parece, uns veciños vírana pasear na zona e os primeiros indicios apuntan a un afogamento.