Un particular que paseaba por unha zona montañosa atopou na tarde deste martes o corpo dun home na localidade coruñesa de Camariñas. A Garda Civil investiga as circunstancias da súa morte.
Segundo informa Urxencias 112, o cadáver foi localizado sobre as seis da tarde nunha zona próxima á estrada que une Ponte do Porto e Arou, no alto do Canaval. Ata o lugar desprazáronse efectivos do 061, que confirmaron que o home estaba falecido.
Tamén se trasladaron ata alí axentes da Benemérita, que iniciaron unha investigación para esclarecer o ocorrido.
