Un dos coches que pertencen a José Enrique Abuín Gey, alias El Chicle, foi achado nun taller de despezamento ilegal localizado na parroquia de Vilabroso, no municipio pontevedrés de Mondariz.
Trátase dun Audi A-4, que foi achado pola Policía Autonómica de forma case accidental durante un control rutineiro, segundo informa a TVG. Ao comprobar o número de bastidor, os axentes descubriron que se trataba dun dos vehículos do Chicle.
Aínda que o coche non foi o utilizado no secuestro de Diana Quer, a Policía investiga agora se puido empregarse noutras actividades delituosas.
A muller de Enrique Abuín denunciara o roubo deste mesmo vehículo o pasado mes de xuño.