Un xeorradar localizou este mércores o coche de Emilio Pintor no fondo do rio Miño, na zona de Belesar. O coche foi sacado á boia á primeira hora da tarde e púidose comprobar que dentro había un cadáver. Todo apunta a que se trata do melidense de 43 anos desaparecido en febreiro.
A familia da Emilio Pintor Mella está na zona. Fontes policiais explicaron a Europa Press que o dispositivo de procura sempre se mantivo pero que na xornada deste mércores foi posible incorporar medios novos, en concreto, un sónar de varrido lateral.
Así, sobre as 12,30 horas localizouse o vehículo, que coincide co do home desaparecido de Melide o pasado mes de febreiro. No dispositivo participaron os GEOS da Policía Nacional.
As mesmas fontes móstranse prudentes en canto ao ocorrido, xa que o cadáver atópase deteriorado polo tempo que puido transcorrer debaixo da auga. Agora realizaráselle a autopsia para determinar as causas do falecemento.