Alertan da presenza de carabelas portuguesas en praias do Grove

Emerxencias de Galicia alertou da aparición este sábado de exemplares de carabela portuguesa, unha especie de medusa, en tres praias do termo municipal do Grove.

Segundo a información facilitada ao 112 Galicia, estes exemplares foron localizados nos areais da Barosa, Pirata e Canelas, onde a batería militar.

Nada máis localizar os exemplares, procedeuse a instalar carteis informativos co disuadir a calquera persoa a acceder á praia debido aos efectos e ao forte dor que pode causar a súa picadura.

Da mesma forma, informouse de que moitos dos exemplares apareceron mortos e secos na area das tres praias mencionadas, aínda que se recomenda manter a precaución e, sobre todo, respectar as indicacións dos efectivos do servizo de urxencias.

O 112 Galicia recibiu, ás 17:30 horas deste sábado, a chamada dun bañista que tamén atopou exemplares de aspecto semellante na praia da Fontiña, en Vigo, do que se informou á Policía Local.