Axentes da Policía Nacional despregaron este domingo un amplo operativo na Coruña que se saldou coa detención dun home "moi violento" que se atrincheirou nunha vivenda do centro da cidade, segundo informaron fontes policiais.
O dispositivo, que mobilizou seis vehículos policiais, mantívose durante a mañá para abordar a situación á vista de que a persoa era "moi violenta". Os feitos rexistráronse nun piso da céntrica rúa Real, á altura do número 65 e non houbo que lamentar danos persoais.
