Amplo despregamento ao precipitarse unha persoa ao baleiro na Ronda da Muralla

Os veciños da Ronda da Muralla asistiron este xoves pola mañá ao despregamento dun amplo dispositivo dos efectivos de urxencias. Ata o cruzamento coa Avenida da Coruña, á altura da porta de San Fernando, achegáronse varios coches da Policía Nacional e da Local, dotacións de bombeiros e unha ambulancia do 061 tras ser alertados de que unha persoa se precipitara ao baleiro. A vítima é unha muller de 35 anos.