Un aparatoso accidente en Betanzos sáldase con dous mozos ilesos e o coche no tellado dun alpendre
Os ocupantes do vehículo saíron polo seu propio pé
Dous mozos resultaron ilesos tras sufrir un accidente de tráfico en Betanzos. O condutor perdeu o control de vehículo e este foi a parar ao tellado dun alpendre. A pesar da aparatosidade do suceso, os dous ocupantes do coche puideron saír polo seu propio pé.
O accidente produciuse ao redor da 1.30 da madrugada deste venres, na estrada que vai de Sada a Betanzos, concretamente no lugar de Castro. O vehículo, un Audi A-3 saíuse da calzada e saíu voando cara ao tellado do garanje, arrincando uns vinte metros de valo polo camiño.
Alertados polos veciños da zona, ata o lugar desprazáronse dúas patrullas da Garda Civil, unha da Policía Local, unha ambulancia e os bombeiros de Betanzos. O condutor deu positivo no control de alcoholemia.