Un incendio que se declarou na tarde deste xoves nunha empresa de castañas do Barco de Valdeorras xa calcinou por completo unha das naves próximas á N-120. Un dos carrís foi cortado ao tráfico debido aos desprendementos provocados ao arder varios palés almacenados na zona.
O lume comezou sobre as 18.30 horas da tarde cando, segundo informa a TVG, había varias persoas traballando no interior da fábrica. Afortunadamente, ningunha delas precisou asistencia médica.