Arde o interior dunha nave industrial en San Cibrao das Viñas
Hai cerca outra nave de electrodomésticos que non resultou afectada
Os servizos de urxencias traballan na extinción dun lume declarado no interior dunha nave industrial en San Cibrao das Viñas que non rexistra danos persoais.
Segundo informa o 112, varios particulares informaron o fume sobre as 19.00 horas da tarde deste domingo. Seguidamente, o servizo de urxencias activou un operativo no que participan o GES de Pereiro de Aguiar, os bombeiros do Polígono, os de Ourense, Xinzo e a Mancomunidade de Terras de Celanova.
Así mesmo, a Consellería do Medio Rural, tal e como informou a Europa Press, desprazou ata o lugar dúas motobombas e un axente forestal para vixiar que o incendio non se estenda cara ao monte.
Os efectivos de urxencias que traballan para apagar as chamas indican que hai cerca outra nave de electrodomésticos que, de momento, non resultou afectada.