O número de usuarios de residencias de maiores de Galicia contaxiados por coronavirus que faleceron elévase a 30, mentres que os contagios xa superan o medio milleiro. En concreto, a Consellería de Política Social informa dun total de 521 infectados, entre residentes (393) e traballadores (128), con datos correspondentes a última hora do martes.
Na residencia DomusVi San Lázaro (Santiago) perderon a vida sete maiores; en DomusVi Cangas, Barreiro (Vigo) e O Portazgo (A Coruña), cinco; en Bellolar (A Coruña) e A nosa Señora da Esperanza (San Rosendo), dúas; e en Castro Caldelas, Celanova, Divino Mestre (San Rosendo), e DomusVi Carballo, un.
O xeriátrico de Cangas mantense como o principal foco de contaxio por coronavirus en Galicia, con 108 residentes e 17 traballadores.
Un total de 36 residencias de maiores e 13 centros de discapacidade rexistran polo menos un caso de covid-19
DomusVi Barreiro contabiliza 83 casos, 72 residentes e 11 traballadores; San Carlos (Celanova), 62 casos, 44 usuarios e 18 traballadores; O Portazgo (A Coruña), 56 casos, 38 usuarios e 18 traballadores; e DomusVi San Lázaro, (Santiago), 34 casos, 23 traballadores e 11 usuarios.
O número de residencias de maiores en Galicia con polo menos un contaxio sitúase en 36.
En canto aos centros de discapacitados, a cifra de contagios elevouse ata os 68, dos cales 37 son usuarios e 31 coidadores.
O CAPD de strong <>Redondela acumula 40 positivos, 25 entre usuarios e 15 entre profesionais. Pola súa banda, o de strong <>Sarria suma 7 usuarios contaxiados e 9 traballadores.
En total son 13 os centros nos que se contabiliza polo menos un caso.