Os servizos sanitarios de urxencia asistiron na madrugada deste sábado a un home afectado por un incendio nunha vivenda do termo municipal coruñés de Trazo.
O suceso ocorreu preto das 6:30 horas no lugar de Mirallada, no citado concello, informou a Axencia das Emerxencias de Galicia.
Segundo indicaron os profesionais sanitarios, as lesións que presentaba o ferido eran de escasa importancia e descartaron trasladalo a un centro hospitalario.
Ao parecer, foi un veciño quen o sacou da casa cando comezou o lume.
LUME NO BOLO. Tamén no municipio ourensán do Bolo ardeu unha vivenda por completo.
Os bombeiros de Valdeorras explicaron que se trata dunha casa deshabitada e illada, polo que non houbo risco nin para as persoas nin para outras vivendas.
Atendido un home afectado por un incendio nunha vivenda en Trazo
Outro lume calcinou por completo unha casa no Bolo