O candidato do PSOE en Santiago Xosé Sánchez Bugallo, rexedor na cidade desde o 23 de decembro de 1998 ata o 22 de maio de 2011, prometeu este domingo que aproveitará a confianza que os composteláns depositaron de novo nel e deixarase a pel para volver facer da capital galega o "referente" de Galicia, España e Europa.
Ás once da noite e entre berros de Alcalde, ¡alcalde!, Sánchez Bugallo dixo que responderá ao "enorme caudal de confianza" que a cidadanía lle outorgou.
Para iso, e como forza máis votada, mañá mesmo porase en contacto co resto dos grupos municipais.
O obxectivo co que traballará, dixo, é o de que Santiago volva ser o centro de Galicia, a ser o centro de España e de Europa", para constituírse como "unha referencia mundial" porque a capital de Galicia non pode conformarse cunha "posición mediana ou mediocre" como a que ao seu xuízo tivo cos gobernos do PP e de Compostela Aberta.
"Imos deixarnos a pel para conseguir ese obxectivo", dixo emocionado o veterano Bugallo.
