Catro de cada dez veloláser da DXT sitúanse nas vías galegas

O 40% dos radares veloláser detectados nos últimos meses polos condutores nas estradas españolas están situados en Galicia, segundo revela a revista Autopista en base a datos facilitados polos propios automobilistas a través da app SocialDrive. Así, dos 47 cinemómetros deste tipo —móbiles e de tamaño moi reducido para pasar desapercibidos— que foron notificados en toda España, 18 atópanse na comunidade.

A instalación destes dispositivos en vías convencionais dun carril en cada sentido non é casual, pois nelas concéntranse a maior parte dos accidentes con vítimas mortais, así como as infraccións máis flagrantes por exceso de velocidade.

A repartición destes pequenos e revolucionarios cinemómetros portátiles que se controlan por wifi ou teconoloxía 4G nas provincias galegas é uniforme. Sempre atendendo á información brindada polos automobilistas, na Coruña foron detectados cinco, os mesmos que en Pontevedra. En Ourense notificouse a presenza de catro, como en Lugo.

HORAS DE MÁS ACTIVIDADE. Abrindo o foco a todo o país, os usuarios de SocialDrive advirten de que foron multados especialmente en dous tramos horarios: entre as 10.00 e as 12.00 e entre as 17.00 e 19.00.

As características dos veloláser, cuxo uso en España comezou hai dous anos e medio, fan que sexan dificilmente identificables polos condutores salvo que reciban unha sanción onde se indica vía e punto quilométrico da infracción. Ademais, estes cinemómetros teñen capacidade para controlar dous carrís á vez.